O 29 de novembro as galegas e os galegos escollemos quen van ser as e os nosos representantes —no Congreso e no Senado— pola Coruña, Lugo, Ourense e Pontevedra.
Galiza escolle en total 23 deputados e deputadas.
Rebaixas na AP-9, melloras nas pensións, máis conciliación, 4.000 millóns de euros de quita da débeda e avances ferroviarios. O BNG consegue melloras e avances para Galiza. Pero non nos conformamos. Con máis forza no Congreso, faremos valer Galiza con máis capacidade para negociar e para acordar en favor da sociedade galega.
Non imos permitir retrocesos nos dereitos conquistados. Máis BNG no Congreso significa máis forza para defender as conquistas sociais e frear as políticas da dereita. Desde Galiza, coa nosa propia voz e coa forza dos nosos votos, podemos facer avanzar os dereitos e impedir que nos leven cara a atrás.
Galiza necesita voz propia en Madrid. Unha forza que non reciba ordes de fóra nin cambie os intereses do noso país por outros alleos. O BNG ten as mans libres e unha única lealdade: Galiza. Porque só quen defende o noso país pode poñer os seus intereses no centro das decisións.
Fronte ao ruído e ás decepcións, o BNG é unha garantía: sempre ao lado de Galiza e da súa xente. Un voto para defender os nosos intereses, conquistar dereitos e construír futuro. Un voto útil para que Galiza teña máis forza e para que ninguén decida por nós.
En Galiza tes a quen votar.
En Galiza, BNG.
Tres cousas.
Primeira, os deputados e deputadas do BNG van estar no Parlamento español ao servizo dos intereses da sociedade galega.
Segunda, van defender os dereitos sociais, os servizos públicos e a vida digna para todas as persoas.
E terceira, van frear a dereita.
A política ten que servir para mellorar a vida da xente. Salarios e pensións dignas, vivenda accesible, sanidade e educación públicas, coidados e igualdade. Fronte ás desigualdades e aos privilexios, o BNG defende máis dereitos, máis protección social e unha vida digna para todas e todos.
Galiza é un país rico, con recursos, capacidades e potencial para gañarmos un futuro máis próspero, xusto e con oportunidades. Precisamos, simplemente, facernos valer. Os recursos galegos teñen que estar ao servizo de Galiza, e servir para crear aquí, no noso país, emprego, riqueza e benestar.